پانی میں ڈوبنے سے خاتون اور ضعیف شخص ہلاک

ناندیڑ:۹؍اپریل (اعتماد نیوز)ناندیڑ ضلع کے دو مختلف مقامات پر پانی میں ڈوبنے سے خاتون اور ایک ضعیف شخص کی موت ہوگئی ۔ پولس اطلاع کے مطابق حدگاؤں تعلقہ کے برڈ شیواڑا گاؤں کی رہنے والی پشپا یمکورے (۳۵سال ) یہ خاتون صبح کے وقت اپنے مکان سے کھیت جانے کیلئے نکلی تھی مگر اس کی نعش سبھاش مسکے نامی کسان کے کھیت کے کنویں سے برآمد ہوئی ہے ۔ صاحب راؤ



یمکورے کی اطلاع پر مناٹھا پولس اسٹیشن میں فی الحال حادثاتی موت کا کیس رجسٹر کیا گیا ہے ۔ اُسی طرح ناندیڑ شہر سے قریب کاڑیشور علاقہ میں ایک ۶۰؍سالہ ضعیف شخص کی نعش گوداوری ندی کے کنارے برآمد ہوئی ۔ اس شخص کی شناخت سدا شیو شندے ساکن نائے گاؤں کے طورپر ہوئی ہے ۔ صاحب راؤ شندے کی اطلاع پر سڈکو پولس اسٹیشن میں فی الحال حادثاتی موت کا مقدمہ درج کیا گیا ہے ۔